"Məğlubiyyətə görə çox məyusam. Biz daha çox hücum etsək də, müdafiədə səhvlər buraxdıq və rəqib bundan maksimum yararlandı". Korner.az-ın məlumatına görə, bu sözləri "Bakı" klubunun baş məşqçisi Novruz Əzimov Mura" ilə cavab matçından (0:2) sonra deyib.
Əzimov məğlubiyyətə belə şərh verib:
"Futbol oyunu məsuliyyət tələb edir. Təəssüf ki, bu, bizim oyunçularda yox idi. Əlbəttə, komanda məğlub olubsa, burada hər kəs kimi mən də günahkaram.
Düşünürəm ki, bu oyuna düzgün taktika ilə çıxmışdıq. Meydanda olan futbolçular da taktikaya uyğun idi. Sadəcə olaraq, futbolçularda məsuliyyət, dəqiqlik və istək çatışmadı".