“İlk olaraq onu deyim ki, yaşıl meydana qayıtdığıma görə sevinirəm. Komanda rəhbərliyinin və yoldaşlarımın dəstəyi ilə çətin günləri arxada qoydum”.
Korner.az-ın məlumatına görə, bu sözləri “Neftçi”nin hücumçusu Bahodir Nasimov klubun rəsmi saytına açıqlamasında deyib.
“Rotor”la yoxlama oyunda qələbə topunu vuran özbəkistanlı forvard tdaha sonra bunları dedi:
“Rotor”la oyun maraqlı keçdi. Matçdakı təhlükəli vəziyyətlərin çoxu rəqib qapısı ağzında yarandı. Nəticədə qələbə qazandıq. Komandanın qələbə qolunu vurmağım isə mənim üçün əlavə stimul oldu. Vobayın ötürməsindən sonra mənə başla topa toxunmaq qaldı. Bundan sonra hər matçda meydana çıxıb komandamızın qələbəsində pay sahibi olmaq istəyirəm”.
Qeyd edək ki, “Neftçi” “Rotor”a 1:0 hesabı ilə qalib gəlib.
