“Qəbələ”nin baş məşqçisi Roman Qriqorçuk Ukraynanın “Futbol-1” kanalına müsahibə berib.
Korner.az-ın məlumatına görə, o komandasının çempionatdakı çıxışından, öz işlərindən və Ukraynaya qayıtmaq ehtimalından danışıb
– Roman İosifoviç, siz iki ildir “Qəbələ”dəsiniz. Bu, azdır, yoxsa çox?
– Çoxdur. Amma futbolda hər şey sürətlə keçir.
– Azarkeşlərə söz verə bilərsiniz ki, “Qəbələ” bu mövsüm çempion olacaq?
– “Qəbələ” ən yaxşı halda ölkə çempionatının bürünc medallarını qazanıb. Son iki ildə isə Avropa Liqasının qrup mərhələsində çıxış edib. İkinci yer bizim üçün yaxşı nəticə olacaq. Amma çempionluq başqa şeydir.
– Komandanız Avropa Liqasının qrup mərhələsində “Maynts”, “Sent Etyen” və “Anderlext”lə oyunlarda xal qazana bilmədi. Uğursuz çıxışların səbəbi nədir?
– Biz o klublarda eyni səviyyədə deyilik. Onlara çatmaq üçün çox iş görməliyik. O cümlədən rəqiblər maddi baxımdan da bizdən üstün idi.
– Doğrudur ki, “Qəbələ”nin büdcəsi xeyli azalıb?
– Mən dəqiq rəqəm deyə bilmərəm. Birincisi, bu, mənim işim deyil. Heç vaxt bu haqda danışmaq istəmirəm. Sadəcə, mən təsdiq edə bilərəm ki, maaşım azaldılıb.
– Siz və futbolçular maaşınızın azaldılmasına razılaşdınız?
– Müəyyən dərəcədə hə.
– Düzdür ki, sizin maaşınız hardasa iki dəfə azaldılıb?
– Bəli.
– “Dinamo”nun (Kiyev) baş məşqçisi vəzifəsinə namizədlər arasında sizin də adınızı çəkirlər.
– Mənim “Qəbələ” ilə yaya qədər müqaviləm var. Heç bir klubdan təklif yoxdur.
– Ukrayna çempionatına, “Çernomorets”ə qayıdışınız mümükündür?
– Mən, demək olar ki, Odessada yaşayıram. Nə vaxtsa orda yenidən işləyəcəyimi istisna etmirəm. Bundan məmnun olardım.
– “Qəbələ”də yalnız iki futbolçu Dmitri Bezotosnı və Vitali Vernidub qalıb. Onların oyununda inkişaf var?
– Onlar çox inkişaf edirlər. Gənc futbolçular onların peşəkarlığından nümunə götürməlidir. Dmitrinin yaşı 30-dan çoxdur. Ancaq onun oyununa baxanda, istəyirəm ki, 50 yaşa qədər oynasın.
– Azərbaycanda başınıza gələn gülməli hadislərdən birini danışmağınızı istərdik.
– Bir gün “Qəbələ”nin əvəzedici komandasının oyununa baxmağa getdim. Jurnalistlərdən biri yaxınlaşdı ki, “Olar, kameraya bir neçə kəlmə danışasınız?” Müsahibə verdiyim yerdə biri yaxınlaşdı ki, alışqanınız olmaz? (gülür). Stadionda o qədər adam var. Get, onlardan soruş da (gülür). (Qol.Az)
