.jpeg)
"Rəvan"ın sabiq çalışdırıcısı və hal-hazırda həmin klubun baş məşqçi köməkçisi vəzifəsində çalışan Bəhmən Həsənovun Korner.az saytına müsahibəsi.
-"Rəvan"ın baş məşqçi postundan ikinci dəfə kənarlaşdırlıdınız…
Bilirsiz, "Rəvan"ın hazırkı hədəfləri böyükdür. Çox yüksək pillələrə oynayacaq gələn mövsümdən. Bunun üçün də daha təcrübəli məşqçiyə ehtiyac var idi.
-Yeni çalışdırıcı Cevat Güləri özünüzdən təcrübəli hesab edirsiz?
Əlbətt,ə o məndən daha təcrübəlidir. Uzun müddət köməkçi məşqçi vəzifəsində çalışıb. Bundan başqa "Qalatasaray" kimi klubu ölkə çempionu edib. Mən hələ məşqçilik kurslarına getməliyəm. Bu il vaxtım da az olacaq. Komanda ilə işləməyə zamanım olmayacaq. Məhz buna görə köməkçi məşqçi olmağı üstün tutdum. Cevat Gülər kimi baş məşqçidən öyrənəcəyim çox şey var.
-Artıq bu vəzifənizdən ikinci dəfədir ki, qovulursunuz. Belə şeyin ikinci səfər yaşanacağınızı gözlüyürdünüz?
-Məni bura müvəqqəti götürmüşdülər. Ona görə ikinci səfər belə bir hadisənin yaşanması gözlənilən idi.
-Müvəqqəti olduğunuzdan xəbərdar idiz?
Əlbəttə. Mən həmişə verdiyim açıqlamalarımda, müsahibələrimdə "Rəvan"da qalıcı olmadığımı bildirmişəm.
-"Rəvan" rəhbərliyindən inciməmisiz?
Yox, niyə inciməliyəm? "Rəvan" mənə yenə doğmadır. Onlar bu komanda yaranandan bəri mənə ehtimad göstəriblər. Ancaq neyləmək olar. Yenə deyirəm, "Rəvan"ın gələn mövsüm hədəfləri böyükdür. Bir az təcrübə toplamalıyam. Şəxsən Cevat müəllimin komandanın başına gəlməsinə sevindim.
-Başqa klubdan təklif alsanız, gedəcəksiniz?
Yox. Heç yana getməyəcəm. Çünki yenə deyirəm, bu klub mənə doğmadır. Onlar mənə inanıblar. Mən də sadiq insanam. Ömür boyu burda çalışmağa razıyam. Lap aşağı yaş qrupu üzrə komandaları olsun. Çünki mənim uşaq futbolunda təcrübəm böyükdür. Millinin aşağı yaş qruplarında bir çox tələbəm oynayır.
-Bir gün nə vaxtsa "Rəvan" komandası sizi üçüncü dəfə baş məşqçi vəzifəsinə dəvət etsə, işləyərdinizmi?
Əlbəttə, niyə işləmirəm? Yəqin ki. həmin vaxta qədər lazımi təcrübəni toplayacam.
Hidayət QURBANOV
