AZAL Topaz Premyer Liqasının 21-ci turunda “Qarabağ”ı qəbul edəcək.
Korner.az-ın məlumatına görə, bu xəbər klubun rəsmi saytında yer alıb. “Təyyarəçilər” artıq oyuna hazırlığı başa vurub və matç saatını gözləyirlər.
Ötən gün baş tutan məşqdə zədəli futbolçular – Eduardo və Luis Ramos, eləcə də özünü narhat hiss edən Kamal Bayramov iştirak etməyib. Əvəzində cəzalı durumda olan Viktor İbekoyi komanda ilə birgə çalışıb. Əsasən toplu çalışmaların üstünlük təşkil etdiyi məşq ikitərəfli oyunla yekunlaşıb. “Yaşıllar” “qırmızılar”ı məğlub edib.
Qeyd edək ki, AZAL – “Qarabağ” oyunu bu gün saat 15:00-da start götürəcək.
