AZAL hazırlıqlarını davam etdirir.
Korner.az-ın məlumatına görə, sözügedən komanda “AZAL Arena”da gündəlik məşqlərinə ara vermir. İki gün davam edən sıx hazırlıq qrafikindən sonra ötən gün baş məşqçi Tərlan Əhmədovun istəyi ilə ikitərəfli oyun baş tutub.
Şərti olaraq “yaşıllar” və “qırmızılar”a bölünən komanda 1 saat davam edən matçda qalibi müəyyən edə bilməyib. Tərəflər hərəyə bir qol vurduğundan matç “sülh”lə başa çatıb. “Yaşıllar”dan Rəşad Abdullayev, “qırmızılar”dan isə Freddi Mombonqo fərqlənib. Bayramla əlaqədar sabah komandaya istirahət verilib. Kollektiv bir də bazar ertəsi səhər məşqində bir araya gələcək.(rekord.az)
