Azərbaycanın iki cüdoçusundan qızıl medal
06.09.2024 , 17:49
Azərbaycanın gənc cüdoçuları Estoniyanın paytaxtı Tallində keçirilən Avropa çempionatının ikinci günündə də iki qızıl medal qazanıblar.
Korner.az xəbər verir ki, Süleyman Şükürov (81 kq) finalda gürcüstanlı Aleksandre Loladze ilə üz-üzə gəlib və rəqibinə qalib gələrək Avropa çempionu olub.
Vüsal Qələndərzadə (73 kq) finalda bolqarıstanlı rəqibi Dimitar Qospodinovu məğlub edərək qızıl medal qazanıb.
Qeyd edək ki, bundan əvvəl Könül Əliyeva (48 kq) və Fidan Əlizadə (57 kq) turnirdə qızıl, Nizami İmranov (60 kq) gümüş mükafata yiyələniblər.
