Bu gün Rusiyanın Sankt-Peterburq şəhərində FİFA-nın I vitse-prezidenti Valentin Qranatkinin xatirəsinə həsr olunmuş 27-ci ənənəvi beynəlxalq turnir start götürüb.
Korner.az-ın məlumatına görə, U-19 milli komandamız da bu gün meydana çıxıb.
Nikolay Adamın rəhbərlik etdiyi yığmamız turnirin açılış günündə Yaponiya ilə qarşılaşıb. Görüş millimizin qələbəsi ilə başa çatıb. Elnur Cəfərovun vurduğu qol yığma komandamıza minimal hesablı qələbə qazandırıb – 1:0.
Qeyd edək ki, millimiz sabah digər rəqibi ilə – Rusiya-2 komandası ilə üz-üzə gələcək.
3 yanvar
F qrupu, I tur
15:15. Yaponiya – Azərbaycan – 0:1
Qol: Elnur Cəfərov, 7 (0:1)