“Qalatasaray”ın hollandiyalı yarımmüdafiəçisi Uesli Sneyder karyerasını İtaliyada davam etdirə bilər.
Korner.az-ın məlumatına görə, bu barədə İtaliyanın məşhur “Tuttosport” nəşri xəbər yayıb.
Xəbərdə deyilir ki, “Yuventus” 30 yaşlı havbekə ilyarımlıq müqavilə müqabilində 4.5 milyon avro təklif edib. “Qalatasaray” 8 milyon avroda israr etsə də, turinlilər maliyyə problemi ucbatından maaşı gecikdirilən və buna görə də “sarı-qırmızılılar”la problem yaşayan Sneyderi dilə tutaraq qiyməti azaltmağa çalışır.