“Bakı-2015” I Avropa Oyunlarının biletləri bu ayın ikinci yarısından satışa çıxarılacaq.
Korner.az-ın “Report” informasiya agentliyinə istinadən verdiyi məlumata görə, bu barədə “Bakı-2015” I Avropa Oyunları Əməliyyat Komitəsinin idman direktoru Pirs Kallahan açıqlama verib.
O bildirib ki, biletlər 19 – 21 mart tarixindən satışda olacaq. Lakin konkret tarixi və qiymətləri açıqlamayan P.Kallahan onların yerli əhali üçün kifayət qədər uyğun məbləğə olacağını bildirib.
Qeyd edək ki, “Bakı-2015” I Avropa Oyunları 12 – 28 iyunda keçiriləcək.
