Klublarımızın avrokuboklara mübarizəyə başlamasına artıq sayılı həftələr qalır. Qeyd edək ki, Çempionlar Liasında “Qarabağ”ın, Avroliqada isə “Neftçi”, “Qəbələ” və “İnter”in rəqiblərinin müəyyənləşəcəyi püşkatma bu gün UEFA-nın mənzil qərargahında baş tutacaq. Onu da bildirək ki, əvvəlki illərdən fərqli olaraq, bu il hər üç klubumuz mübarizəyə Avroliqanın I təsnifat mərhələsindən başlamalı olacaq. Heç şübhəsiz, sözügedən turnirdə “İnter” və “Neftçi” ilə müqayisədə “Qəbələ”yə bəslənən ümidlər daha böyükdür. Bunun səbəblərini isə yazının gedişində sizə izah etməyə çalışacam.
“Qəbələ”
Gələnlər: Andrey Popoviç (“Sumqayıt”), Samir Zərgərov (“Simurq”), Arif Daşdəmirov, Məhəmməd Mirzəbəyov, Asif Məmmədov (hamısı “İnter”), Tərzin Cahangirov (“Sumqayıt”: icarədən qayıdıb), Vitali Vernidub ("Zarya"), Sergey Zenyov ("Torpedo" Moskva, Rusiya), Aleksey Antonov ("Aktobe", Qazaxıstan)
Gedənlər: Bəxtiyar Soltanov ("Kəpəz"), Tərzin Cahangirov, Sadiq Quliyev (hər ikisi "Zirə": icarəyə), Ruslan Fomin ("Atırau", Qazaxıstan), Aleksandru Benqa ("Petrolul", Rumıniya), Mixail Sivakov ("Zarya", Ukrayna), Ruslan Abışov, Adrian Ropotan, Viktor Mendi, Pavol Farkaş
Müqaviləsinin müddətini artıranlar: Cavid Hüseynov, Aleksey Qay, Dmitri Bezotosnı, Rikardinyo, Rəşad Sadiqov
Klubun potensial rəqibləri: "Vest Hem" (İngiltərə), "Şerif" (Moldova), "Rusenburq" (Norveç), "Elfsborq" (İsveç), "Hayduk" (Xorvatiya), "Apollon" (Kipr), "Omoniya" (Kipr), "Slovan" (Slovakiya), AİK (İsveç), "Slask" (Polşa), "Jilina" (Slovakiya), "Aktobe" (Qazaxıstan), “Qo Ehed İqls” (Hollandiya), "Srvena Zvezda" (Serbiya), "Debretsen" (Macarıstan), "Brondbi" (Danimarka), "Şaxtyor" (Belarus), "Dinamo" (Gürcüstan), "Liteks" (Bolqarıstan), "Voyvodina" (Serbiya), "Spartak" (Slovakiya), "Hafnarfyordur" (İslandiya), "Sent-Conston" (hər ikisi Şotlandiya), "Jelezniçar" (Bosniya və Hersoqovina), "Randers" (Danimarka), "Reykravik" (İslandiya), "Yagelloniya" (Polşa), "Botoşani" (Rumıniya), "Lokomotiv" (Xorvatiya), “Şemrok Rovers” (İrlandiya), "Dudelanj" (Lüksemburq), "Linfild" (Şimali İrlandiya), "Valletta" (Malta), "Differanj" (Lüksemburq), "Rabotniçki" (Makedoniya), "Torpedo" (Belarus), "Aberdeen" (Şotlandiya), "Daçiya" (Moldova), "Koper" (Sloveniya), "Sent-Patrik" (İrlandiya), "Beytar" (İsrail), “Zrinski” (hər ikisi Bosniya və Herseqovina), “HB Torshavn” (Farer adaları), "Buduçnost" (Monteneqro), "Birkirkara" (Malta), "Domzale" (Sloveniya), "Vaduz" (Lixtenşteyn)
Yazının əvvəlində də qeyd etdiyim kimi bu Avropa Liqasında “Qəbələ”yə bəslənən ümidlər böyükdür.Şimal klubu hələ ötən mövsüm Avropa Liqasının I Təsnifat mərhələsinə vəsiqə qazanmışdısa, biabırçı şəkildə Bosniya və Hersoqovinanın “Şiroki Briyeq” klubuna məğlub olaraq, mübarizə ilə erkən vidalaşmalı oldu. Dekabrda komandanın baş məşqçi postuna təyin olunan Roman Qriqorçukun nəticələri ilk başlarda qənaətbəxş olmasa da, klub finişə yaxın böyük sürət yığaraq, mövsümü 3-cü pullədə bitirməyi bacarıb. Təkcə, onu qeyd etmək kifayətdir ki, Qəbələnin eyniadlı komandası çempionatda ardıcıl 14 oyundur ki, məğlubiyyət acısı görməyib! Amma müəyyən “əmma”lar var. Belə ki, komanda püşkatma zamanı “səpələnməmişlər”lə bir torbada yer alacağından klubumuzu təhlükəli rəqiblər gözləyir. “Səpələnmişlər torbasındakı ən qorxunc komanda heç şübhəsiz “Vest Hem”dir. Qəbələlilər onların caynaqlarına keçsə, çətiin ki, sağ çıxa bilsin. Oxucumuzda sual yaranmasın deyə, “Vest Hem”in ötən mövsüm İngiltərə Premyer Liqasıda 12-ci olmasına rəğmən, Avropa Liqasına necə vəsiqə qazandığını qısaca izah edək. Belə ki, UEFA hər il tərtib etdiyi feyr-pley cədvəlində ilk 3-lüyə girmiş ölkələrə əlaə 1 təmsilçilik hüququ verir ki, bu dəfə şans “Vest Hem”in üzünə gülüb. Bundan başqa komandamıza çətinlik törədə biləcək rəqiblər kimi: "Şerif" (Moldova), "Rusenburq" (Norveç), "Elfsborq" (İsveç), "Hayduk" (Xorvatiya), "Apollon" (Kipr), "Jilina" (Slovakiya), "Srvena Zvezda" (Serbiya), "Debretsen" (Macarıstan), "Brondbi" (Danimarka), "Şaxtyor" (Belarus), "Dinamo" (Gürcüstan), "Liteks" (Bolqarıstan), "Voyvodina" (Serbiya) adlarını qeyd edə bilərik.
Şimal klubunun transfer bazarında fəal olduğunu söyləsək yanılmarıq. Əlbəttə, kəmiyyət hələ keyfiyyət demək deyil. Komandaya yeni qoşulan futbolçulardan Andrey Popoviçlə bağlı ölkəmizdə xoş təəssüratların hökm sürdüyünü demək olmaz. Popoviç istedadlı və perspektiv vəd edən qapıçıdır, zaman-zaman milli komandaya da dəvət alıb, amma bu hələ hər şey demək deyil. Andreyin“Sumqayıt”və milli komandadakı karyerası ərzində dəfələrlə intizamsızlıq nümayiş etdirməsinin şahidi olmuşu.ə (Onun “gənclik şəhəri” təmsilçisindən məlum içki qalmaqalı üzündən qovulduğunu yəqiin ki, unutmamısız). Bundan başqa, “ Qəbələ”nin “Simurq” və “İnter”dəki maliyyə böhranından lazımınca faydalandığını qeyd etmək lazımdır.Eləcə də, Arif Daşdəmirovun da təcrübəsindən yararlanmaq olar. Məhəmməd Mirzəbyovun isə “şirin qarpız” olub-olmadığı zamanla bilinəcək.
Sonda isə komandanın yeni mövsüm üçün keçirəcəyi təlim-məşq toplanışı barədə qısaca məlumat verməyi özümə borc bilirəm. Yay hazırlığına toplaşan ilk Azərbaycan klubu olan “Qəbələ” məşqlərini iyunun 19-dək Ərzurum şəhərində keçib. Baş məşqçi Roman Qriqorçuk bu müddətdə yetirmələrini iki yoxlama görüşündə sınamayıb. Ayın 19-də Vətənə dönmüş “qırmızı-qaralar” iki günlük istirahətdən sonra Qəbələdə toplaşıb və toplanışın ikinci mərhələsini ayın sonuna qədər doğma məkanda keçəcək. “Qəbələ” artıq 2 yoxlama oyunu keçirməyə də müvəffəq olub. Belə ki, şəhərin eyniadlı komandası Türkiyədə keçirdiyi matçlarda Ərzurumun U-21 komandasını 2:1, həvəskarlar liqasında çıxış edən “Aşkalespor”u isə 10:0 hesabı ilə məğlub edib.
“İnter”
Gələnlər: Zaur Svanidze (baş məşqçi), Yuri Fomenko ("Şyaulyay", Litva), Mirhüseyn Seyidov ("Neftçi"), Laşa Kasradze, Xuan Fransisko (hər ikisi AZAL), Nika Kvekveskiri ("Dila", Gürcüstan)
Gedənlər: Kaxaber Sxadadze (baş məşqçi), Azər Salahlı, Elvin Məmmədov, Coşqun Diniyev (hamısı “Qarabağ”), Arif Daşdəmirov, Məhəmməd Mirzəbəyov, Asif Məmmədov (hamısı “Qəbələ”), Nizami Hacıyev (AZAL), Stanislav Vojislav, Aleksandr Amisulaşvili, Yohan Bokonyano, Matiya Şpiçiç, Laşa Salukvadze, İvan Benites, Ruben Şaken, Yusef Feniç, Derlis Meza Kolli, Sezar Meza Kolli, Mikel Alvaro, Dieqo Madriqal, Junior Nildo, Baçana Sxadadze, Abdulla Abatsiyev, Fuad Bayramov
Müqaviləsinin müddətini artıranlar: Georgi Lomaya, Elşən Poladov, Səlahət Ağayev, Slavço Georgiyevski
Klubun potensial rəqibləri: "Çukariçki" (Serbiya), "Selye" (Sloveniya), “Ferensvaroş” (Macarıstan), "Nomme Kalyu", "Flora" (Estoniya), "Sutyeska" (Monteneqro), "Skonto" (Latviya), "Vikinqur" (Farer adaları), "Renova" (Makedoniya), "Odd Qrenland" (Norveç), "Kukesi" (Albaniya), "Skendiya" (Makedoniya), "Kayrat" (Qazaxıstan), "Ordabaşı" (Qazaxıstan), MTK (Macarıstan), , "Mladost" (Monteneqro), "Laçi" (Albaniya, "Saxan" (Moldova), "Qlentoran" (Şimali İrlandiya), VPS (Finlandiya), "Dinamo" (Batumi, Gürcüstan), "Spartak" (Gürcüstan), "Slima" (Estoniya), "Lusitanos" (Andorra), SJK (Finlandiya), "Lahti" (Finlandiya), "Vikinqur" (İslaniya), "Jelqava" (Latviya), NSİ (Farer adaları), "Sent-Culiya" (Andorra), "Atlantas" (Litva), "Qlenavon" (Şimali İrlandiya), "Kork Siti" (İrlandiya), UCD (İrlandiya), "Kruoya" (Litva), "La Fiorita" (San Marino), "Eirbas" (Uels), "Partizani" (Albaniya), "Proqres" (Lüksemburq), "Trakai" (Litva), "Spartaks" (Latviya), "Balzan" (Malta), "Bala Taun" (Uels), "Nyu Taun" (Uels), "Yuvenes" (San Marino), , "Kollec" (Cəbəllütariq)
“İnter”lə bağlı nəsə demək həqiqətən də çox çətindir. Komandanın demək olar ki, yalnız quru adı qalıb. Baş vermiş məlum maliyyə böhranından sonra komandanı bir çox aparıcı futbolçusu, xüsusən də məşqçilər heyəti tərk edib. Adam kluba asan rəqib arzulamağa da qorxur. Çünki klubun “səpələnmişlər” torbasında yer almasına baxmayaraq, “səpələnməmişlər”dəki ən zəif rəqib belə “bankirlər”i məğlub etməl iqtidarındadır ki, bu hal ölkə futbolu adına əsl faciə olar. Açığını deyim, məncə, “İnter” qitəmiqyaslı yarışdan imtina etməsi daha məqdəsdəuyğun olardı. Əlbəttə, lütfən fikirlərim yanlış anlaşılmasım, komanda və azarkeşlərinin mövsümboyu bütün çətinliklərə baxmayaraq, Avroliqaya vəsiqə qazanması təqdir olunası haldır, bu onların haqqıdır. Amma hörmətli dostlar, yoldaşlar, qardaşlar.. Bu günkü “İnter”, ən yaxşı halda “Qəbələ”nin ötən ilki nəticəsini təkrarlaya bilər. Ən dəhşətlisi isə budur ki, Avroliqanın startına təxminən 2 həftə qalmasına baxmayaraq, komandanın hələ də təlim-məşq toplanışı planı müəyyənləşməyib! Artıq bundan sonra bizim klubumuza uğur diləmək və peşə borcumuzdan dolayı bəzi məlumatları sizə çatdıqmaqdan başqa edə biləcəyimiz heç nə qalmayıb.
“İnter”in son 5 ildəki Avrokuboklardakı çxışına nəzər yetirəndə bir məqam diqqətimizi çəkir. Komandanın I Təsnifat mərhələlərini asanlıqla adlamasına baxmayaraq, II Təsnifat mərhələrində eyni qəhrəmanlığı nümayiş etdirə bilmir. Ədalət naminə, onu bildirək ki, ölkə reytinqinə xalların qatılmasında “İnter”in böyük rolu var. Amma klubun stabil olmaması dəfələrlə azarkeşlərin əsəblərini korlayıb.
“Neftçi”
Gələnlər: Samir Əliyev (baş məşqçi), Cavid İmamverdiyev ("Elazığspor", Türkiyə: icarədən qayıdıb), Ruslan Qurbanov ("Hayduk", Xorvatiya: icarədən qayıdıb), Xuan Alberto ("Simurq")
Gedənlər: Arif Əsədov (baş məşqçi), Emin Mehdiyev ("Sumqayıt"), Elvin Yunuszadə ("Qarabağ"), Mirhüseyn Seyidov ("İnter"), Rauf Əliyev, Saşa Stamenkoviç
Müqaviləsinin müddətini artıran: Yoxdu
Qeyd: “İnter” və “Neftçi” püşkatma zamanı eyni torbada yer aldığından, hər ikisinin potensial rəqibləri eyni komandalardır
“İnter” qədər olmasa da, “Neftçi”nin də problemləri az deyil. Klubun bu şərtlər altında Avroliqanın qrupuna düşə biləcəyi inandırıcı olmasa da, bir neçə mərhələ irəliləyərək ölkəmizə UEFA-nın reytinq cədvəlində xal və ya xallar qazandırmaq iqtidarındadır. Müəyyən mənada Xuan Albertonun keçidini istisna etsək, klub hələ ki, sanballı transfer həyata keçirməyib. Xorvatiya və Türkiyə macəralarından “burunları ovularaq”, geri qayıdan Cavid İmamverdiyevilə Ruslan Qurbanovun oyun praktikası cəhətdən korluq çəkdiyini bildirsək,yanılmarıq. Eləcə də, belə bir çətin dövrdə klubun öz yetişdirmələri Elvin Yunuszadə və Mirhüseyn Seyidovdan imtina etməsi azarkeşlər tərəfindən birmənalı qarşılanmadı.Əslinə qalsa, bu komandanın böyük potensialı var, sadəcə olaraq, meydandankənar oyunlar “ağ-qaralar”ı iflic vəziyyətinə salıb. “Flaqman” 3 il əvvəl Avroliqanın qrupuna düşməyi bacarmış heyəti böyük ölçüdə qorumağı bacarıb. Açığı, bunun “ağ-qara”lara xeyrindən çox zərəri var. Klubda maliyyə böhranının baş qaldırdığını nəzərə alsaq, artıq yüklərdən qurtularaq, komandaya “yeni nəfəs” gətirmək lazımdır. İndiki vəziyyətdə isə bunun reallaşa biləcəyi çox da inandırıcı görünmür. Məsələn, braziliyalı yarımmüdafiəçi Flavinyo uzun müddətdir ki, ciddi heç nə ilə yadda qalmayıb, di gəl, davam edən müqaviləyə görə ilinə 550 min dollar maaş alır! “Flaqman” müqaviləni birtərəfli pozub, braziliyalını vətəninə yollasa, o da böyük ehtimalla, tənbəllik etməyib, “sələf”ləri kimi, təzminat tələbilə FİFA-ya müraciət edəcək ki, hər iki halda “Neftçi” uduzan tərəf olacaq. Məhz elə bu səbəbdən “Neftçi”nin keçmiş futbolçusu Emil Mpenzaya 1 milyon avro (!!!) təzminat ödəməy ə məcbur edildiyindən yəqin ki, xəbərdarsız. Görünən budur ki, əvvəlki rəhbərliyin səriştəsiz transfer siyasəti klubun başnı hələ çox ağrıdacaq.
İndi isə klubumuzun potensial rəqibləri barədə bir neçə söz. Komandamız “səpələnmişlər” torbasında yer aldığından I Təsnifat mərhələsində çətinliklə üzləşəcəyini düşünmürəm. “Səpələnmişlər” arasındakı güclü rəqib kimi: : "Çukariçki" (Serbiya), "Selye" (Sloveniya), “Ferensvaroş” (Macarıstan), "Kayrat" (Qazaxıstan), MTK (Macarıstan) adını qeyd edə bilərik. Maraqlıdır ki, sözügedən klublardan MTK ilə “flaqman” bir neçə gün öncə Avstriyada yoxlama görüşündə üz-üzə gəlib və 0:3 hesabı ilə mğlub olub.
Sonda isə “Neftçi”nin təlim-məşq toplanışı haqqında məlumat vermək istərdim. Komanda iyunun 18-də Avstriyaya üz tutub. Klubun bu müddət ərzində MTK-ə 0:3 məğlub olduğu görüşdən savayı Rumıniyanın "Botoşani" (21 iyun), Albaniyanın "Kukesi" (24 iyun) və Ukraynanın "Şaxtyor" (27 iyun) klubları ilə üz-üzə gələcək. Bunu da qeyd edək ki, sözügedən klublardan “Kukesi” “Neftçi”nin püşkatma zamanı potensial rəqibləri sırasına daxildir.
Ürfan Məmmədzadə
