Bu gün Topaz Premyer Liqasında 25-ci turun oyunları
keçirilib.
Bakının “İnter” klubu “Sumqayıt” ilə qarşılaşıb. Oyun 1-0 hesabı “İnterin” qələbəsi ilə başa çatıb.
Kaxaber Sxadadze, “İnter” klubunu baş məşqçisi: “Mövsümün əvvəlində ilk 7
oyundan 6-da məğlub olub, son pillələrdə idik. İndi isə uğurlu çıxışla 3-cü
pilləyədək yüksəlmişik. Görülən işə görə komandaya minnətdaram, avrokuboklara
düşmək üçün əlimizdən gələni etməliyik. Rəqib son 3 oyunda qapısından qol
buraxmamışdı. “Neftçi”ni məğlub etmişdi, “Bakı” ilə oyunda azlıqda qalsa da,
heç-heçə oynamışdı. “Sumqayıt”ın baş məşqçisinə təşəkkür etmək lazımdır, o,
komandanı doğru yöndə aparır. Gənc futbolçulara düzgün oynamağı öyrədir.
Bugünkü oyunda təcrübə sayəsində rəqibi üstələdik. 1-0 “sürüşkən” hesabdır, qol
epizodlarından istifadə etməli idik. Oyunun sonlarına yaxın “Sumqayıt” hesabı bərabərləşdirə
də bilərdi. Qarşıda çox oyun var, avrokuboklara düşmək qarşımızda duran minimal
vəzifədir. Çempionluq haqqında isə həmişə düşünürük. “Qarabağ” bu il çox
güclüdür, layiqli olaraq çempionatın lideridir. Lakin heç kim çempionun
kimliyini indidən deyə bilməz. Baçana Sxadadze artıq ikinci dəfə Gürcüstan
millisinə çağrılır. Onun milli komandadakı oyunu haqqında fikir bildirməyim
düzgün olmaz, bunu baş məşqçisi etməlidir. Milli komandaya faydalı olmasını
arzulayıram”.
Aqil Məmmədv, “Sumqayıt” klubunun baş məşqçisi: “”İnter”
bizim üçün çətin rəqibdir. Hələ ki, “İnter”ə qalib gələ bilməmişik. İki fərqli
hissə oynadıq, ikinci hissədə daha yaxşı oynadığımızı düşünürəm. “İnter”
layiqli qələbə qazandı, təbrik edirəm. Məqsədimiz çempionatda “Rəvan”ı keçmək və
mövsümü son pillədə başa vurmamaqdır”.
