.jpg)
İspaniyanın “Atletiko” klubunun marketinq direktoru Mariya Tereza Madrid təmsilçisinin formalarında gedən Azərbaycanla bağlı reklama görə nə qədər qazandıqlarını bəyan edib.
Korner.az-ın məlumatına görə, Madrid klubunun rəsmisi mətbuata açıqlamasında:
“Bilirsiz ki, “Atletiko” uzun müddət öz formalarında KİA-nın reklamını daşıyırdı. Amma ötən il bu reklamın müddəti başa çatdı. Yeni təkliflər var idi. Lakin həmin təkliflər maddi cəhətdən bizi qətiyyən qane etmirdi. Bu üzdən də biz hətta bəzi vaxtlarda meydana titul sponsoru olmadan çıxmalı olurduq. Deməliyəm ki, bu, azarkeşlərimizin müəyyən mənada ürəyincə idi. Çünki keçmiş günlərə qayıtmış olurduq. Eyni zamanda onu da bilirdik ki, gec-tez yaxşı bir təklif alacağıq. Bu ilin əvvəlində Azərbaycanın turistik reklam təklifini aldıq. Artıq tərəflər arasında 2013-14 mövsümünün sonuna qədər davam edəcək rəsmi müqavilə bağlanılıb. Bu müddət ərzində “Atletiko” sözügedən reklamdan 12 milyon avro qazanacaq”.
