Bir neçə gün öncə heyətinə Aleksis Sançezi qatan London "Arsenal"ı daha bir transferlə gündəmə gəlib.
Korner.az-ın məlumatına görə, klubun rəsmi saytında Fransanın müdafiəçisi Matyu Debüşinin transferi xəbəri yer alıb. "Nyukasl" klubundan transfer olunan 28 yaşlı müdafiəçi: "Arsenal"ın şərəfini qoruyacağıma görə xoşbəxtəm. Dünyanın ən güclü klublarının birindəyəm. Arsen Venqer ilə çalışmaq ayrıca qürur verir. Oyunların başlanmasını səbirsizliklə gözləyirəm. Ümid edirəm ki, "Arsenal" ilə çoxlu mükafatlar qazanacağıq", – fikirlərini səsləndirib.
Qeyd edək ki, transferin şərtləri haqqında yaxın saatlarda məlumat veriləcək.