“Arsenal”ın baş məşqçisi Arsen Venger komandasının Çempionlar Liqasının 1/8 final mərhələsi çərçivəsində “Bavariya”ya qarşı keçirəcəkləri oyunla bağlı fikirlərini bildirib.
Korner.az-ın məlumatına görə, fransız çalışdırıcı ikinci oyunun İngiltərədə olmasını özüləri üstünlük hesab etdiyini deyib.
“Biz burada tarix yazmağa çalışırıq. Buna görə də keçmişdəki səhvləri etməməliyik. Son 6 ildə Çempionlar Liqasında pley-off mərhələsini keçə bilməmişik. Deyirlər, Tanrı yer üzünü 7 günə yaradıb. Bu mövsüm bizim üçün həmin 7-ci gün kimidir. Cavab oyununu İngiltərədə keçirəcəyik və bu, bizim üçün böyük üstünlük olacaq. Mühüm olan isə özümüzə, öz gücümüzə inanmağımızdır”., – deyə Venger bildirib.