Avropa Liqasının pley-off mərhələsində "Qarabağ" doğma meydanda "Ayntraxt"a məğlub olub.
Korner.az-ın məlumatına görə, qonaq komandanın baş məşqçisi Armin Fe oyundan sonra təşkil olunan mətbuat konfransında cavab qarşılaşmasında hesabı qorumağa çalışmayacaqlarını bildirib:
"Oyuna ciddi yanaşmışdıq. İlk dəqiqələrdə qol vurmağımız xeyrimizə oldu. Sonra oyuna nəzarət etməyə çalışdıq. Rəqibin də qol epizodları oldu. Amma mərhələ keçmək üçün yaxşı yerdəyik. Ümid edirəm, bu qələbə Bundesliqada da özümüzə gəlmək üçün faydalı olacaq. Cavab oyununda burdakı nəticəni qorumağa çalışmayacağıq".
