Türkiyə millisinin və İspaniyanın “Atletiko” (Madrid) klubunun yarımmüdafiəçisi Arda Turan Türkiyə Futbol Federasiyasının prezidenti olmaq istəyir.
Korner.az-ın məlumatına görə, bunu o, TV8 telekanalında yayımlanan “Hülya Avşar Show” verilişində səsləndirib.
Arda futbolçu karyerasını bitirdikdən sonra məşqçiliyə başlamaq istədiyini, ancaq federasiyaya rəhbərlik etmək arzusunda olduğunu da deyib: “Ölkəmi Avropada ən yüksək səviyyədə təmsil etmək istəyirəm. Qayıtsam, yenə “Qalatasaray”a qayıdaram. Xəyallarım çox böyükdür. Məşqçilik haq düşünürəm, amma gələcəkdə futbol federasiyasının prezidenti də ola bilərəm. “Qalatasaray”ın çempion olmasını istəyirəm. Çox yaxşı oyunçularımız var, çempion ola bilərik. Hazırda ən yaxşı komanda “Beşiktaş”dır. Mən öz komandamın çempion olmasını istəyərəm. Ronaldo ilə eyni kompleksdə yaşadığımız üçün görüşəndə hal-əhval tuturuq”.
