Topaz Premyer Liqasının 36-cı turunda “İnter”i qəbul edən “Sumqayıt” 3-1 hesablı qələbə qazandı.
Korner.az-ın məlumatına görə, oyundan sonra “Sumqayıt”ın baş məşqçisi Aqil Məmmədov:
“Qələbə münasibəti ilə azarkeşləri təbrik edirəm. Sumqayıtlı futbol fanatları bizə hər zaman dəstək oldular. Komandamı qələbə münasibəti ilə təbrik edirəm. Digər tərəfdən “İnter”in heyətində çıxış edən gənclər özlərini yaxşı tərəfdən göstərdilər. Həmin oyunçuların bir neçəsini bəyəndim. Düşünürəm ki, gənc oyunçular Premyer Liqada oynamağa hazırdırlar. Düzdür, indiyə qədər “İnter”i məğlub edə bilməmişdik. Çempionatın sonuncu turundakı oyunumuz tarixə düşdü, amma mən bu qələbəni tarixi uğur hesab etmirəm”, – fikirlərini səsləndirdi
