APOEL-"Neftçi" oyunundan sonra keçirilən mətbuat-konfransında rəqibin baş məşqçisi İvan Yovanoviç məğlubiyyətdə günahkar özünü gördüyünü bildirb. Korner.az– ın məlumatına görə, Yovanoviç mətbuat-konfransında "Neftçi"dən yox, daha çox istefa haqqda danışıb. “Məğlubiyyətin günahkarı mənəm. Futbolçularımın heç bir günahı yoxdur. Komandamız “Neftçi”yə uduzursa, deməli, mən onları yaxşı hazırlamamışam.Mən hamının ümidlərini məhv etdim. Hamı komandamızı Avropada görürdü. Amma mən oyun zamanı gördüm ki, azarkeşlər futbolçularımı fitə basırdılar. Onlarla işiniz olmasın. Günahkar özüməm. Futbolda hər şey olur. Bəlkə də APOEL-də mənim sonum çatıb. Kimsə getməyimi istəyirsə, 5 illik fəaliyyətimə son qoya bilərəm. İndi rəhbərlik qərar verəcək. Mənə inanırsınızsa qalım".
