Ukraynanın “Dinamo-2” (Kiyev) komandasının baş məşqçisi Andrey Qusin növbəti dəfə azərbaycanlı futbolçu Cavid İmamverdiyev barədə danışıb.
Korner.az-ın məlumatına görə, futbolçumuz dünən Makarovun xatirəsinə həsr olunan turnirdə 90 dəqiqə meydanda olub.
Kiyev klubunun çalışdırısı Cavidlə bağlı bunları deyib: “Mən oyunun videoyazısına baxdıqdan sonra nəsə fikir söyləyə bilərəm. Qarşılaşmaya baxdız və siz də onun oyununu qiymətləndirə bilərsiz.
Cavidin “Dinamo”dakı taleyinə gəlincə, əsas komanda İspaniyadan qayıtdıqdan sonra onlarla məsləhətləşib qərarımızı verəcəyik”.
