Avropa Liqasının qrup mərhələsi çərçivəsində 2 gün sonra keçiriləcək “Anderlext” – “Qarabağ” matçının bilet satışı davam edir.
Korner.az-ın apasport.az-a istinadən məlumatına görə, Belçika mətbuatı yerli futbolsevərlərin oyuna böyük maraq göstərdiklərini yazır.
Belə ki, 17 min bilet artıq satılıb. Satışda təxminən 1500 bilet qalıb ki, onların da oyun gününə qədər satılacağı gözlənilir.
Ən ucuz bilet 20, ən baha bilet isə 45 avro dəyərindədir.
Əslində, 28063 nəfərlik tutumu olan “Konstant Vanden Stok” arenası Avropa Liqasında 21845 azarkeşi qəbul edə bilir.
Qeyd edək ki, “Anderlext” – “Qarabağ” qarşılaşması Bakı vaxtı ilə 00:05-da start götürəcək.
