Madrid “Real”ının baş məşqçisi Karlo Ançelotti futbolçulara qarşı yumşaq davrandığı barədə gəzən söhbətlərə münasibət bildirib.
Korner.az-ın məlumatına görə, italyan çalışdırıcı futbolçularla xoş münasibət saxlamağın vacib olduğunu deyib.
“Baş məşqçi prezidentdən çox, futbolçularla xoş münasibətdə olmalıdır. Oyunçularla qarşılıqlı anlaşma yoxdursa, vəssalam, sən ölmüsən. Kimsə bunu dostluq adlandırır, mən isə qarşılıqlı hörmət. Ağıllı insan harda ciddi olmaq lazım gəldiyini yaxşı bilir. Məni yumşaq məşqçi adlandırmalarına əsəbiləşirəm, çünki qətiyyən elə deyiləm”, – deyə Karlo bildirib.
