Korner.az “Beşiktaş”lı ulduz futbolçu Hüqo Almeydanın Türkiyə mətbuatına verdiyi müsahibəni sizə təqdim edir:
– Dünya Çempionatı 3 ay sonra başlayacaq. Bu yarış haqda nə düşünürsən? Həyəcanlısan?
– “Bəli, həyəcanlıyam. Başlamağına hələ çox var və hələ uzun bir yolumuz var. Türkiyə Super Liqasında bəzi işlərim var. Amma həyəcan get-gedə artacaq”.
– Qrupdakı rəqiblərini tanıdıqdan sonra nə hiss elədin?
– “Bu yarışda yalnız səviyyəli komandalar var və bizim qrupumuz da olduqca çətin oldu. Görək nə qədər irəliləyə biləcəyik”.
– Amerika və Qanadan başqa qrupda əvvəllər qarşılaşdığınız Almaniya da var.
– “İlk oyunumuzu Almaniyaya qarşı oynamağımız böyük avantajdı. Qrupun son oyunlarında belə güclü rəqiblərlə oynamaq çətin olur. Almaniyaya qarşı oynamaq mənim üçün fərqli olacaq. Çünki “Verder Bremen”də oynadığım vaxtlardan bir çox dostum var. Bəlkə onları təkrar Braziliyada görərəm. Ancaq onu da qeyd edim ki, oyun vaxtı dostluq qalmır. Savaşmalı və ilk xallarımızı almaq üçün hər şeyimizi verməliyik”.
– 2011-ci ildən bəri “Beşiktaş”da oynayırsan. Gələcək üçün bir planın var?
– Hal-hazırda çox yaxşı vəziyyətdəyik. Çempionluq üçün mübarizə aparırıq. Müqavilə üçün dekabrdan hazıram, amma hələ bir plan qurmamışam. Nə olacağını bilmirəm”.
– Dünya Çempionatı haqqında nə düşünürsən?
– “Bir favoritim yoxdur. Əgər bir komanda deməyimi istəyirsizsə, Portuqaliya deyərəm. Bu hədəf üçün mübarizə aparacağıq. Ev sahibi Braziliya, son çempion İspaniya və Almaniya son illərdə çox yaxşı idi. İtalyanı da unutmamalıyıq”.
– Ronaldo sizi İsveçə qarşı oynadığınız play-off oyununda təkbaşına daşıdı. Ronaldo necə insandır?
– Ronaldo mükəmməl bir insandır və hər zaman sizin üçün yaxşı dostdur. Hər zaman birlikdəyik. Yaxşı insandır. Hər kəsin xoşbəxt olmağını istəyir. Kimin ehtiyacı olarsa, Ronaldo kömək edər”.
-Ronaldonun ardından sən və Elder Poştiqa hücum üçün ən güclü namizədlərsiz. Sənin komandadakı rolun nədir?
– “Bu sualın cavabını baş məqşçi verə bilər. Mənim üçün ən önəmli şey ölkəmi təmsil etməkdir. Ölkəm üçün qol vurmaq məni xoşbəxt edir”.
