"Neftçi" artıq "Rubin"lə ilk oyununu oynayıb və bu komandaya qarşı necə mübarizə aparmaq lazım olduğunu yaxşı bilirlər. Sona kimi mübarizə apardıqdan sonra nəticə də, olacaq. Səhvlər olacaq və bundan qorxmaq lazım deyil. "Neftçi" doğma meydanda oynayır və bu əlavə üstünlükdü. Unutmayaq ki, "Neftçi" doğma meydanda daha yaxşı oynayır".
Bu sözləri Korner.az-a açıqlamasında Azərbaycanın əməkdar məşqçisi Ağasəlim Mircavadov deyib. Sabah Avropa Liqasının qrup mərhələsinin “Neftçi” – “Rubin” oyunu ilə bağlı saytımıza danışan Mircavadov "Neftçi"yə məsləhət də, verib:
"Neftçi" standart vəziyyətlərdə diqqətli olmalıdı. "Rubin" belə vəziyyətlərdə qol vurmağı bacarır. Rusiya çempionatında məhz belə epizodlarda "Rubin" fərqlənməyi bacarır. Ola bilər ki, yorğunluq da, olsun. Ancaq unutmayaq ki, bu Azərbaycan çempionatı deyil. Avropa Liqasının oyunu başqadı. Heç olmasa bu oyuna 15 – 20 min azarkeş gələcək. Ölkə çempionatında hansı oyunu bu qədər azarkeş izləyir? Yorğunluq ola bilər ancaq istək bunu ört-bastır etməlidi".
