Bu gün AFFA İntizam Komitəsinin iclası keçirilib.
Korner.az-ın məlumatına görə, iclasda Topaz Premyer Liqasının XII turu çərçivəsində keçirilmiş oyunlarda baş vermiş qayda pozuntularına hüquqi qiymət verilib.
Qərarlar aşağıdakı kimidi:
“Bakı” – “Simurq” matçında hər iki klubunun 4 futbolçusu sarı vərəqə ilə cəzalandığı üçün klublar 1000 manat cərimə olunub (maddə 40).
“İnter” – “Rəvan” matçı başa çatdıqdan sonra “İnter” klubu matçın videoyazısını təqdim etmədiyi üçün klub 1000 manat cərimə olunub (maddə 64).
“Neftçi” – “Xəzər Lənkəran” matçında “Xəzər Lənkəran” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).
Matçın gedişində stadionun diktoru tərəfindən “Neftçi” klubunun azarkeşlərinə öz komandalarını dəstəkləməyə çağırış xarakterli şüarlar səsləndirildiyinə görə “Neftçi” klubu 2000 manat cərimə olunub.
Xatırladaq ki, “Xəzər Lənkəran” da diktorun azarkeşləri komandaya dəstək olmağa çağırdığı üçün cərimələnmişdi.
