AÇ-2016-nın seçmə mərhələsində səfərdə Malta ilə qarşılaşan Azərbaycan millisi vətənə qayıdarkən problemlə üzləşib.
Mətbuatda oyundan sonra çarter reysi ilə Bakıya qayıdan yığma üzvləri təyyarədə xoş olmayan sürprizlə qarşılaşdıqları ilə bağlı yazı getmişdi.Yazı bildirilmişdi ki,futbolçular hava gəmisində AFFA rəsmilərinin qohum-əqrəbası ilə qayıtmağa məcbur olublar. Sıxlıq olduğundan, üç nəfərlik yerlərdə 4-5 milli üzvü əyləşib. İş o yerə çatıb ki, futbolçulardan ayaqüstə gələnlər də olub.
Korner.az-ın məlumatına görə, AFFA-nın İnformasiya və İctimaiyyətlə əlaqələr şöbəsinin rəhbəri Mikayıl Nərimanoğlu “facebook”da yazdığı statusda bu məsələyə münasibət bildirib:
“Hörmətli həmkarlar, Milli komandanın Malta oyunundan sonra vətənə qayıdarkən AFFA rəhbərlərinin ailə üzvlərinin də gəldiyinə görə təyyarədə yer olmadığını və milli üvzlərinin ayaqüstə qaldıqlarını yazan həmkarlanımızın nəzərinə çatdırmaq istərdik ki, təyyarəyə biletlər yerə uyğun olaraq verilir. Həmin həmkarlarımızdan araşdırmalarını sona qədər davam etdirmələrini, reallığın üzə çəxarılmasına çalışmalarını və bu məsələyə bizimlə birlikdə səfərdə olan apasport.az, , report.az, 1news.az,azerisport.az, İTV və CBC əməkdaşlarının münasibət bildirmələrini xahiş edirəm”.
