Məlumat verdiyimiz kimi, Ermənistan Futbol Federasiyası Xankəndidə məşqçi kursları keçirir və kurslarda qondarma “Dağlıq Qarabağ Respublikası”ndan 8 məşqçi iştirak edir.
Korner.az-ın məlumatına görə, artıq AFFA məsələ ilə bağlı UEFA-ya şikayət məktubu göndərməyə hazırlaşır.
Məktubda ermənilərin bu addımının qanunsuz olması və bununla onların beynəlxalq hüquq normalarına qarşı çıxması vurğulacaq.
Qeyd edək ki, AFFA UEFA-nın məşqçilik nizamnaməsinə qoşulub və bu səbəbdən yalnız bizim milli federasiyamız öz ərazilərimizdə “C”, “B”, “A” və Pro lisenziyaları verən məşqçi kursları keçirmək hüququna malikdi.
