AFFA bu klubları cərimələdi
04.03.2022 , 16:37
AFFA İntizam Komitəsinin növbəti iclası keçirilib.
Korner.az xəbər verir ki, aparılan müzakirələrdən sonra I Divizionun XVI turunda baş verənlərlə bağlı aşağıdakı qərarlar qəbul edilib:
“Qəbələ-2” – “Keşlə-2” oyununda “Qəbələ-2” klubunun 33 nömrəli futbolçusu Hüseyn Mürsəlov qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalanır klub 20 manat cərimə olunur (maddə 47.1).
“Qaradağ Lökbatan” – “Neftçi-2” oyununda matçın 42-ci dəqiqəsində “Neftçi-2” klubunun 22 nömrəli futbolçusu Mirabdulla Abbasov hakimi təhqir etdiyinə görə birbaşa qırmızı vərəqə ilə meydandan kənarlaşdırıldığı üçün 4 oyun cəzalanır klub 320 manat cərimə olunur (maddə 41.3).
“Sabah-2” – “Turan Tovuz” oyununda “Sabah-2” klubunun 6 futbolçusu sarı vərəqə ilə cəzalandırıldığı üçün klub 80 manat cərimə olunur (maddə 39).
MOİK – “Zirə-2” oyununda oyun öncəsi polis nümayəndəsi təyin olunan vaxtda iclasda iştirak etmədiyi üçün meydan sahibi klub 40 manat cərimə olunur (maddə 62.2)
MOİK klubu vaxtında protokolu tərtib etmədiyi üçün klub 80 manat cərimə olunur (maddə 54).
“Zirə-2” klubunun 70 nömrəli futbolçusu Nicat Məmmədov qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalanır klub 20 manat cərimə olunur (maddə 47.1).
“Zaqatala” – “Səbail-2” oyununda “Zaqatala” klubu oyun günü planına riayət etmədiyi üçün klub 80 manat cərimə olunur (maddə 84).
“Zaqatala” klubunun 1 nömrəli futbolçusu Vüsal Şabanov oyunun 42-ci dəqiqəsində rəqibi aşkar qol vurmaq imkanından məhrum etdiyinə görə qırmızı vərəqə ilə meydandan kənarlaşdırıldığı üçün 1 oyun cəzalanır klub 20 manat cərimə olunur (maddə 47.1).
“Səbail-2” klubunun 4 futbolçusu sarı vərəqə ilə cəzalandırıldığı üçün klub 80 manat cərimə olunur (maddə 39).
