“Qəbələ” Vüqar Nadirovun ardından daha bir futbolçunu rənglərinə bağlayıb.
Korner.az-ın klubun saytına istinadən yaydığı xəbərə görə, komanda ötən mövsüm “qırmızı-qara” formada çıxış edən Ruslan Abışovla anlaşıb. “Qəbələ”nin sabiq kapitanı ilə mövsümün sonunadək müqavilə imzalanıb.
Qeyd edək ki, 28 yaşlı müdafiəçi 2015-ci ilin yayında “Qəbələ”dən “Xəzər Lənkəran”a keçmişdi. Bunadək Ruslan “Neftçi” (2006-2012), “Xəzər Lənkəran” (2012-2013), “Rubin” (Kazan, Rusiya) (2013-2015) və “Qəbələ”də (2014-2015) çıxış edib. Abışov Azərbaycan millisinin heyətində 45 oyun keçirib və 4 qol vurub.
