Noyabrın 17-də Bakı Olimpiya Stadionunda Moldova yığması ilə yoldaşlıq oyunu keçirəcək Azərbaycan milli komandasının toplanışına daha bir futbolçu dəvət olunub.
Korner.az-ın məlumatına görə, millimizin baş məşqçisi Robert Prosineçki moldovanlarla oyunda “Qəbələ”nin yarımmüdafiəçisi Ürfan Abbasovu da görmək istəyir.
Qeyd edək ki, buna qədər “Qəbələ”dən Məhəmməd Mirzəbəyov, Arif Daşdəmirov və Ruslan Abışov sözügedən oyun üçün yığmaya dəvət almışdı. Lakin sonradan Ruslan Abışov zədə səbəbindən toplanışdan azad edilmişdi.