Yeni mövsümə hazırlıqları davam etdirən "Simurq" təlim-məşq toplanışının növbəti mərhələsi üşün Avstriyaya yollanıb.
Korner.az-ın klubun saytına istinadən yaydığı məlumata görə, komanda bu gün ilk məşqinə çıxıb. Sabahdan gündə iki dəfə olmaqla təlim-məşq toplanışını davam etdirəcək sarı-qaralar Avstriyada dörd yoldaşlıq görüşündə gücünü sınayacaq. Georgi Çixradzenin başçılıq etdiyi komanda sonradan təşkilatçılar tərəfindən heç bir dəyişikliklər edilməsə, iyulun 17-də Misirin "Əl-əhli", 20-də "Dinamo" (Drezden), 24-də "Lokomotik" (Plovdiv), 27-də isə "Kayserispor"la qarşı-qarşıya gələcək.
Yeni mövsümə iddialı heyət qurmağı planlaşdıran "Simurq" Avstriyadakı təlim-məşq toplanışı zamanı bir neçə legioner futbolçunu baxışa dəvət edib. Onlardan artıq ikisi komandamızın düşərgəsinə qoşulub. Yarımmüdafiəçi Daniel Peev və hücumçu Antonov Ludogorec bugünkü məşqdə iştirak edib. Sabah komandanın heyətinə yeni futbolçular təşrif buyuracaq.
