Neftçi”nin futbolçusu Cavid İmamverdiyev klubun rəsmi saytına açıqlama verib.
Korner.az-ın məlumatına görə, yarımmüdafiəçi FİFA-nın “Mübahisəli Məsələlərin Həlli Şurası”nın çıxardığı qərara münasibət bildirib:
“Əvvəla “Neftçi” rəhbərliyinə, mənə dəstək olan məşqçilərimə, komanda yoldaşlarıma dərin təşəkkürümü bildirirəm, ki, mənə sahib çıxdılar. Bu işdə kimin əziyyəti varsa, hamısına minnətdaram. Hazırda zədəlilərimiz də çoxdur, inşallah, mən də 2-3 oyuna əvvəlki formamı bərpa eləyərəm”.
Cavid İmamverdiyev həmçinin azarkeşləri komandaya dəstək olmağa çağırıb:
“Azarkeşlər mənim ürəyimdir. “Neftçi” azarkeşləri həmişə mənim ürəyimdə yaxşı kimi qalıb və qalacaqlar. Onlardan xahişim budur ki, komandanı çətin vəziyyətdə tək qoymasınlar. Biz onları sevirik, həmişə onları dəstəkləyirik. Onlarsız “Neftçi” heç nədir”.
