“Qəbələ” – “Puşkaş Akademiya” oyununun biletləri satışda
03.10.2023 , 14:45
UEFA Gənclər Liqasında mübarizə aparacaq “Qəbələ”nin U-19 komandası Çempionlar yolunun I mərhələsində ilk oyununu keçirəcək.
Korner.az xəbər verir ki, “qırmızı-qaralar” sabah Macarıstan təmsilçisi “Puşkaş Akademiya” ilə qarşılaşacaq.
Qəbələ şəhər stadionunda keçiriləcək görüşün biletləri satışa çıxarılıb. Biletlərin qiyməti 2 manatdır. Azarkeşlər biletləri bu gündən etibarən klubumuzun “Fan shop”undan əldə edə bilər.
Qeyd edək ki, oktyabrın 4-də Qəbələ şəhər stadionunda keçiriləcək “Qəbələ” – “Puşkaş Akademiya” matçı saat 16:00-da başlayacaq.
