Qurban Qurbanov: “Bu fikirlə oyuna yanaşmırıq”
20.09.2023 , 13:51
Avropa Liqasının qrup mərhələsində sabah keçiriləcək “Qarabağ” – “Molde” oyunundan əvvəl Ağdam təmsilçisinin baş məşqçisi Qurban Qurbanov jurnalistlərin suallarını cavablandırıb.
Korner.az xəbər verir ki, mütəxəssis öncə oyunla bağlı fikirlərini bildirib.
Hər birinizi salamlayıram. Məlumdur ki, cəbhə bölgəsində terrora qarşı mübarizə gedir. Şəhidlərimizə Allahdan rəhmət diləyirəm. Hər bir halda oyuna hazırlaşmalıyıq. Çox ciddi rəqibə qarşı oynayırıq.
-Yenə sentyabr ayı, yenə brlə vəziyyət, yenə “Qarabağ”ın oyunu…
-Bəlkə oyunun Bakıda olmasa uyğun dreyildi. Mən dəfələrlə futbolçularıma bu komandanın adınl, mahiyyətini və dəyərini demişəm. İnanıram ki, futbolçular hər şey edəcəklər.
-Rəqibi analiz edə bilmisiz?
-Rəqibi analiz etmişik. Son zamanlar meydanda yaxşı oyun göstərən komandalardan biridir. Belə deyək ki, rəqib meydanda boşluq buraxmağı xoşlamır.
-Bəhlul Mustafayevin durumu?
Sabah yəqin ki, oyuna kimi məlumat verilməyəcək. Hələ ağrıları var. Həkimlərlə əlaqə saxlayırıq. Sabah bununla bağlı düşünəcəyik.
-Azarkeşlərə görə, “Qarabağ” “Molde”dən qisas almalıdır. Bəs sizin fikriniz?
-Bu fikirlə oyuna yanaşmırıq. Bu fikirkərdən narahat oluram. Belə fikirlər futbolçulara pis təsir edə bilər. Məqsədimiz, sabah yaxşı oyun göstərməkdir.
