"Qarabağ" aprelin 6-sında "Neftçi" ilə qarşılaşacaq. Korner.az-ın məlumatına görə, çempionluq üçün mübarizə aparan Ağdam təmsilçisinin bu vacib oyunöncəsi rəhbərlik ənənəvi dəstəyini hiss etdirib.
Klubun rəsmi saytının verdiyi xəbərə görə, "Qarabağ"ın başqanı Tahir Gözəl əhəmiyyətli görüşdən qabaq komandanı bir araya toplayıb.
Hər kəslə bir-bir salamlaşan Tahir bəy derbi öncəsi futbolçuların yanında olduğunu nümayiş etdirib. O, komandaının son çıxışlarından danışıb və "Qarabağ"ın cari hədəflərini bir daha vurğulayıb.
Tahir Gözəl görüşdə iştirak edən hər bir şəxslə ayrılıqda söhbət edib, personalların məsuliyyət daşıdığı işlərindəki problemlərlə maraqlanıb.
"Qarabağ" rəsmisi sonda bir daha Azərbaycanın ən möhtəşəm klub və komandasının başqanı olmasından duyduğu məmnuniyyəti ifadə edib.
