Azərbaycan – Belarus oyununun hakim təyinatları
11.06.2022 , 20:15
Millətlər Liqasının qrup mərhələsinin 4-cü turunda keçiriləcək Azərbaycan – Belarus oyununa hakim təyinatları açıqlanıb.
Korner.az xəbər verir ki, görüşü Yunanıstandan olan hakimlər briqadası idarə edəcək. Referi Anastasios Papapetru olacaq. Ona yan xətt hakimləri qismində Trifon Petropulos və İordanis Aptosoqlu kömək edəcəklər. 4-cü hakim funksiyasını isə Georgios Tsovaras yerinə yetirəcək.
Qeyd edək ki, iyunun 13-də “Dalğa Arena”da keçiriləcək Azərbaycan – Belarus oyunu Bakı vaxtı ilə saat 20:00-da başlanacaq.
