Lənkəran və Ağsuda treninqlər keçirildi
03.06.2022 , 15:27
2022/23-cü illər mövsümünə hazırlıqla əlaqədar oğlanlar, qızlar, həvəskarlar, Region Liqası və futzal liqalarındakı komandaların nümayəndələri və onlayn qeydiyyatını aparacaq şəxslərlə görüşlər keçirilib.
Korner.az xəbər verir ki, növbəti belə treninqlər iyunun 2-də Lənkəranda, 3-də isə Ağsuda təşkil olunub.
Görüşlərdə yeni mövsüm üçün qeydiyyatın başlanması və son tarixləri, qeydiyyat zamanı yeni tətbiq ediləcək sənəd (azyaşlı həvəskar futbolçu təlim müqaviləsi), dəyişən qeydiyyat qaydaları və “Futbola Qoşul” onlayn qeydiyyat platformasında yeni tətbiq ediləcək “Yarışların idarəetmə sistemi” bölməsi haqqında məlumatlar verilib.
“Yarışların idarəetmə sistemi” “Futbola Qoşul” onlayn qeydiyyat sistemi ilə vahid bir platfoma üzərində sinxronlaşdırılıb. Yeni sistem futbol idarəetməsinin müxtəlif sahələrində müasir rəqəmsal idarəetmə üsullarının tətbiqini davam etdirmək və təkminləşdirmək imkanları verəcək. Bura daxildir:
Bütün yaş və səviyyələr üzrə yarışların idarəedilməsi;
Klublar tərəfindən sifarişlərin və protokolların platforma üzərindən doldurulması;
Hakimlik idarəetmə mexanizmi;
Milli komandalar.
“Yarışların idarəetmə sistemi”nin tam tətbiqi 2023/2024-cü illər mövsümündən nəzərdə tutulur.
