Emil Balayev: “Futbolsevərləri maraqlı oyun gözləyir”
26.05.2021 , 18:22
“Biz bu oyuna dostluq yox, qardaşlıq oyunu kimi baxırıq. Türkiyə millisinin son oyunlarda nümayiş etdirdiyi futbol göz önündədi. Niderland, Norveç kimi güclü komandaları məğlub ediblər”.
Korner.az xəbər verir ki, bu sözləri Azırbaycan millisinin qapıçısı Emil Balayev sabah Türkiyə ilə Alanyada keçiriləcək yoldaşlıq oyunu haqda danışarkən deyib.
“Qarabağ”ın üzvü AFFA-nın saytına açıqlamasında matçı maraqla gözləndiyini bildirib: “Futbolsevərləri maraqlı oyun gözləyir. Türkiyə Avropa çempionatının final mərhələsinə hazırlaşdığından bu oyuna diqqət çox olacaq. Biz futbolçular da çalışacağıq ki, maksimum bacarığımızı nümayiş etdirək”