Hazırlıqlarını Antalyada davam etdirən “Xəzər Lənkəran” klubu axşam məşqinə saat 17:00-da çıxıb.
Korner.az-ın klubun rəsmi saytına istinadən verdiyi məlumata görə, komanda isinmə hərəkətlərinə kvadrat və digər tapşırıqların yerinə yetirməsi ilə başlayıb və bu proses təxminən 20 dəqiqə davam edib.
Daha sonra futbolçular iki komandaya bölünərək aralarında oyun keçiriblər. Məşqin davamında futbolçular məşqçi köməkçisi Erik Roketanın müxtəlif, çox mürəkkəb və fiziki baxımdan ağır tapşırıqlarını yerinə yetiriblər.
Eyni zamanda qapıçılarla iş üzrə çalışdırıcı Hafiz Əliyev gənc qolkiper Orxan Sadıqlını məşq etdirib. Daha sonra Hafiz müəllim məşqçi köməkçisi Emin Quliyevlə birgə Orxanı top atəşinə tutaraq qapıçının kifayət qədər yüklənməsinə nail olublar. Saat yarım keçdikdə “Xəzər Lənkəran”ın axşam məşqi də sona çatıb.
