Bir neçə gündən sonra Antalyaya yollanacaq "İnter" klubu qış fasiləsində ilk transferini reallaşdırıb.
Korner.az-ın klubun rəsmi saytına istinadən verdiyi məlumata görə, "İnter" "Kəpəz"dən ayrılan ukraynalı hücumçu Yuri Fomenko ilə müqavilə bağlayıb. Fomenko ilə 6 aylıq müqavilə imzalanıb.
Qeyd edək ki, 26 yaşlı hücumçu karyerası ərzində Ukraynanın "MFK Nikolayev", "Stal"(Alçevsk), "Prikarpatye"(İvano-Frankovsk) və "Qelios"(Xarkov) klublarında çıxış etmişdi. 2011-ci ildən "Kəpəz" klubunda forma geyinmiş forvard Azərbaycan Premyer Liqasında 50 dəfə meydana çıxmış və 14 qola imza atmışdı.
