AFFA Hakimlər Komitəsi 17-ci turda oyun idarə edəcək hakimlərin adını açıqladı. Hər kəsin səbirsizliklə gözlədiyi "Böyük oyun"a isə təyinat maraqla gözlənilirdi və elə maraqlıda təyinat oldu.
Xaqani Məmmədovun sinəsini qabağa verib daim öz hakimləri ilə öyündüyü və son turda biabırçı qərarları ilə dillərə "dastan" olan hakimlərindən biri məhz Fariz Yusifov oldu. Həmin o Yusifov ki, hal-hazırda "Böyük oyun"a təyinat alıb.
Fariz Yusifovun "İnter" – AZAL oyununda buraxdığı "quş" hələ heç kimin yadından çıxmayıb. Bəs maraqlıdır görəsən İK sədri son turda kobud səhvə yol verən Yusifovu cəzalandırmaq əvəzinə niyə, "Böyük oyun"a təyin edib?
Xaqani Məmmədovun özündənrazı hakimlərindən elə biri yox idimi Lənkərandakı bu qarşılaşmanı idarə etsin? Axı bu mövsüm "Xəzər Lənkəran" və "Neftçi" arasında baş tutan ilk oyunu da, Yusifov idarə etmişdi.
Ümumiyyətlə Yusifov bu mövsüm "quşları" çox olan hakimlərimizdəndi. FİFA referisi hər tur olmasa da, ən azı bir turdan bir, bir klubun "evini yıxır". Növbə KİMİNDİ?
Nə oldu, yoldaş Məmmədov, "bostan" daha bar vermir?
Səxavət QURBANOV
