.jpeg)
"Qəbələ"nin futbolçusu Rövşən Əmiraslanovun Korner.az saytına müsahibəsi
– İlk olaraq "Sumqayıt" üzərində qələbə haqda fikirlərini bilmək istəyərdim.
Düzdü həmin matçda mən oynamadım. Ancaq komanda "Bakı"ya məğlubiyyətdən sonra bu matça ciddi hazırlaşmışdı. "Bakı" məğlubiyyətini "Sumqayıt"la oyunda qələbə qazanmaqla unutdurmaq istədik və buna da nail olduq. İtirdiyimiz 3 xalı "Sumqayıt"la oyunda qaytardıq.
– Ramiz Məmmədov sənə "Sumqayıt"la oyunda şans vermədi. "Bakı" məğlubiyyətində ən zəif çıxış edənlərdən biri belə çıxır sən idin.
Deməzdim zəif çıxış etmişdim. Bu baş məşqçinin fikridi və ona hörmətlə yanaşıram. Lakin onu deyə bilərəm ki, 3 gün millinin seleksiya xarakterli toplanışında oldum. Bəlkə də, ordan yorğun dönməyim "Sumqayıt"l oyunda meydana çıxa bilməməyimin səbəbi oldu.
– "Bakı" ilə ilk görüşdə (1:1) sən qırmızı vərəqə alaraq komandanı pis vəziyyətdə qoydun. Bundan sonra da, səni əsas heyətdə tez-tez gömək mümkün olmadı. "Bakı" ilə görüşlərdən sonra adətən sən əsas heyətdə yerini itirirsən. Bu barədə nə deyərdin?
"Bakı" ilə paytxdakı görüşdə heç nədən qırmızı vərəqə aldım. Ancaq deməzdim ki, mən "Bakı" ilə ounlarda zəif çıxış edirəm. Sadəcə ilk görüşdə verilməməli vərəqə ucbatından meydandan qovuldum. Ümumilikdə isə, mən belə düşünmürəm ki, zəif çıxış edirəm.
– Seleksiya xarakterli toplanışda Foqts bəyəndiyi 4-5 futbolçunun adını açıqlamayıb. Bu siyahıda sən də, varsanmı?
Mən əlimdən gələni etdim ki, özümü yaxşı tərəfdən götərim. Düzdü ad açıqlamadılar. Dedilər ki, Dubay toplanışında bəyənilənlər yenidən çağırılacaq. Məni milliyə çağırsalar canla-başla çıxış edərəm. Özümü millidə çıxış edən heç bir futbolçudan zəif saymıram.
– Liderdən iki xal geri qalırsız. Necə düşünürsən 2012-ci ili "Qəbələ" lider kimi bitirə biləcəkmi?
Niyədə olmasın. Qarşıdakı iki oyundan da, qalib ayrılsaq birinciliyi ələ keçirəcəyik.
– Gələn tur "Simurq"la qarşılacaqsınız. Bu matç heç də, asan keçməyəcək.
Bəli. Düşünürəmki, bu oyun çətin keçəcək. Çünki "Simurq" Premyer Liqada yaxşı çıxış edir və liderdi. Bu komanda ilə oyunda da, qələbəyə köklənmişik. Növbəti qələbəmizi qazanmaqla azarkeşlərimizi sevindirmək istəyirik.
– "Xəzər Lənkəran" və "Neftçi" arasında baş tutacaq "Böyük oyun"la bağlı proqnozun nədi?
Bu komandaların oyunu hər zaman maraqlı keçir. Yəqin ki, bu dəfə də belə olacaq. Qoy güclü qalib gəlsin. Proqnoz vermək çətindi.
Səxavət QURBANOV
