20-ci səfər qələbəsi
09.03.2020 , 16:05
“Zirə” Azərbaycan Premyer Liqasında 20-ci səfər qələbəsini qazanıb.
Korner.az xəbər verir ki, yubiley 20-ci turun “Səbail”lə qarşılaşmasına təsadüf edib.
“Qartallar” “ASCO Arena”da təşkil olunan görüşdə 3:1 hesablı qələbə qazanıb. Komanda 20-ci uğuruna 70-ci matçında çatıb.
2017/18 mövsümündə daha çox – 6 səfər qarşılaşmasından qalib ayrılan “Zirə” 2015/16 mövsümündə 5 dəfə rəqib meydanında üç xala sevinib. 2018/19 mövsümündə 4, 2016/17 mövsümündə isə 3 belə qələbə qeydə alınıb.
“Səbail” üzərindəki qalibiyyət cari mövsümün ikinci səfər uğurudu. Rəqib meydanındakı son qələbəsini sentyabrın 14-də “Sumqayıt”la matçda (2:1) əldə edən “qartallar” Zaur Həşimovun rəhbərliyi altında ilk belə uğurunu rəsmiləşdirib.
Qeyd edək ki, “Zirə”nin ən çox səfər qələbəsi qazandığı rəqiblər – 4 dəfə məğlub etdiyi “Sumqayıt”la “Səbail”dir.
