“Simurq” Azərbaycan Premyer Liqasının XVI turunda “Xəzər Lənəkaran”ı qonaq edəcək.
Korner.az-ın klubun rəsmi saytına istinadən verdiyi məlumata görə, Zaqatala şəhər stadionunda keçiriləcək matç dekabrın 10-u, saat 16:00 start götürəcək.
Bu oyunda baş məşqçi Georgi Çixradze “Simurq” ilə Premyer Liqadakı 25-ci qarşılaşmasına çıxacaq. Ötən mövsümün XXIV turundan komandaya rəhbərlik edən gürcü mütəxəssisin başçılığı altında Zaqatala təmsilçisi 24 oyunda 10 qələbə, 10 heç-heçə əldə edib, yerdə qalan 4 qarşılaşmalarda isə məğlub olub. "Sarı-qaralar" Çixradze ilə çıxdığı Premyer Liqa matçlarında 25 dəfə qol sevinci yaşadığı halda, rəqiblərin 15 qoluna əngəl ola bilməyib. On bir qarşılaşmada isə onun komandası qapısını qola qapayıblar.
Çixradzenin "Simurq"u çıxardığı oyunlarda ən çox qeydə alınan hesab 2:1-dir. 6 belə qarşılaşmada “Simurq” 3 dəfə meydandan qalib ayrılıb. Zaqatala təmsilçisi gürcü mütəxəssislə Premyer Liqada ən çox “Turan” və “Sumqayıtla” üz-üzə gəlib. Tovuzlularla görüşlərdə 3 heç-heçə, 1 qələbə əldə edilibsə də, sumqayıtlılarla oyunların hamısında "sarı-qaralar" qalib gələn tərəf olub. Georgi Çixradze ilə 24 qarşılaşmada “Simurq” 37 xal yığıb. Komandanın onunla qazandığı ən böyük hesablı qələbə cari mövsümə təsadüf edib. III turda “Simurq” doğma arenada “Turan”ı 3:0 hesabı ilə məğlub edib.
2011/12-ci il mövsümü
XXIV Tur – “Simurq” 1:1 “Turan”
XXV Tur – “Sumqayıt” 1:2 “Simurq”
XXVI Tur – “Simurq” 1:2 AZAL
XXVII Tur – “Rəvan” 0:0 “Simurq”
XVIII Tur – “Turan” 0:0 “Simurq”
XIX Tur – “Simurq” 2:1 “Sumqayıt”
XXX Tur – AZAL 0:0 “Simurq”
XXXI Tur – “Simurq” 1:1 “Rəvan”
XXXII Tur – “Kəpəz” 0:1 “Simurq”
2012/13-cü il mövsümü
I Tur – “Simurq” 1:1 “Qəbələ”
II Tur – “Bakı” 0:0 “Simurq”
III Tur – “Simurq” 3:0 “Turan”
IV Tur – “Xəzər Lənkəran” 0:2 “Simurq”
V Tur- “Rəvan” 0:2 “Simurq”
VI Tur – “Simurq” 2:1 “Kəpəz”
VII Tur – “Qarabağ” 0:0 “Simurq”
VIII Tur – “Simurq” 1:0 “Sumqayıt”
IX Tur – “İnter” 1:0 “Simurq”
X Tur – “Simurq” 1:1 AZAL
XI Tur – “Neftçi” 2:1 “Simurq”
XII Tur – “Turan” 1:1 “Simurq”
XIII Tur – “Qarabağ” 2:1 “Simurq”
XIV Tur – “Simurq” 1:0 “İnter”
XV Tur – “Sumqayıt” 0:1 “Simurq”