Topaz Premyer Liqasının XV turu çərçivəsində "Simurq"u qəbul edəcək "Sumqayıt" hazırlığını davam etdirir.
Korner.az-ın məlumatına görə, səhər saatlarında Mehdi Hüseynzadə adına Sumqayıt şəhər stadionunda məşqə çıxan komandanın heyətində zədəli futbolçular var.
Uğur Pamuk və Murad Doymuş zədə səbəbindən Zaqatala klubu ilə keçiriləcək görüşdə meydana çıxmayacaq. Samir Abasov və Məhəmməd Mirzəbəyov isə cəza səbəbindən bu oyunu tribunalardan izləyəcək. Zədəsini sağaltmış Aftandil Hacıyev, Orxan Əliyev, Ceyhun Sultanov və Murad Ağayev isə komanda ilə birlikdə məşqlərə başlayıb.
"Sumqayıt" – "Simurq" oyunu dekabrın 2-də saat 14:00-da Mehdi Hüseynzadə adına Sumqayıt şəhər stadionunda keçiriləcək.
