Avropa Liqasının V turu çərçivəsində Serbiyanın "Partizan" klubu ilə görüşdən 1:1 hesablı heç-heçə ilə ayrılan "Neftçi" klubunun baş məşqçisi Böyükağa Hacıyev oyundan sonra jurnalistlər qarşısına çıxaraq onların suallarını cavablandırıb.
Korner.az-ın məlumatına görə, Hacıyev oyun haqda bunları deyib:
"Çox istəyərdim ki, bu oyunda qələbə qazanaq. Əlimizə düşən imkanları maksimum dəyərləndirə bilsəydik, yəqin ki, hesab başqa cür olardı. Futbolda vurmayana vururlar. Bu oyunlar bizim üçün böyük təcrübə idi. Çalışacağıq ki, səhvlərimiz üzərində işləyək və onlardan nəticə çıxaraq. Bundan sonra əsas diqqətimizi daxili çempionata yönəldəcəyik".
Sonda Hacıyev "Avroliqanın 5 oyununda "ən zəif bənd" olaraq kimi görürsünüz?" – sualına belə cavab verib:
"Ən zəif bənd" Böyükağa Hacıyev idi". Mənim heç bir futbolçuma zəif deməyə haqqım çatmır. Əgər göstərdiyim nəticələrdən narazısınızsa, günü bu gün də, getməyə hazıram".
sportlife.az