“Gərgin oyun keçdi. Hər iki komanda qələbə qazanmaq istəyirdi”.
Korner.az-ın məlumatına görə, bu sözləri Avropa Liqasının qrup mərhələsi çərçivəsində keçirilmiş “Neftçi” – “Partizan” oyunundan sonra qonaqların baş məşqçisi Vladimir Vermezoviç deyib.
Vermezoviç bildirib ki, birinci hissədə qol buraxdıqdan sonra komandası yaxşı oynaya bilməyib: “Qapıçımız bir neçə epizodda yüzfaizlik qol çıxartdı. İkinci hissədə daha yaxşı oynadı. Futbolçumuz meydandan uzaqlaşdırıldıqdan sonra da yaxşı oynadıq. Qarışıqlıq idi deyə, Mitroviçin niyə qovulduğunu görə bilmədim. Son 10 dəqiqədə azlıqda qaldıqdan sonra intizamı qoruduqlarına görə futbolçularımdan razıyam. Müdafiədə yaxşı oynamaqla yanaşı, qol epizodları da yaradıldı. Baxmayaraq ki, qapıçımız qol buraxdı, ancaq bir neçə epizodda bizi xilas etdi. Birinci hissədə “Neftçi”, ikinci hissədə isə bizim komandamız yaxşı oynadı. Birnci oyundan sonra birinci pilləyə oynayacağımızı dediyimi xatırlayıram. Həmişə birinci yer üçün mübarizə aparan insan olmuşam. “Neftçi” Serbiya çempionatında çempionluq üçün mübarizə aparacaq komandadı. Stamenkoviçin çılğınlığı "Srvena Zvezda"yla "Partizan” arasındakı rəqabətdən irəli gəlir. Saşa oyundan əvvəl Serbiya mətbuatına kəskin açıqlamalar vermişdi. "Neftçi"ylə Serbiyadakı oyunda azarkeşlər Stamenkoviçin "Srvena Zvezda"da oynadığını bilirdilər və ona qarşı pis münasibət də bundan irəli gəlirdi. Bütün dünyada belə hallar baş verir. "Neftçi"də çoxlu səviyyəli futbolçular var. Ancaq Flavinyo onların hamısından üstündü. İstənilən Avropa klubu istər ki, onun kimi futbolçusu olsun".
arşı
