.jpeg)
"Rəvan"la oyuna qələbə qazanmaq üçün çıxdmışdıq. Başqa yolumuz yox idi. Mütləq qələbə qazanmaqlı idik və belə də oldu. Əslində asan bir oyun olmadı. Sona kimi mübarizə apardıq və gözəl qələb qazandıq".
Bu sözləri Korner.az-a açıqlamasında "Xəzər Lənkəran"ın qapıçısı Orxan Sadıqlı deyib.
Gənc qolkiper Yunis Hüseynovun istefasından danışmasa da, gedişinə üzüldüyünü dedi:
"Bu bizdən asılı olan bir şey deyildi, rəhbərliyin verdiyi qərar idi. Yunis müəllimin gedişi mənə pis təsir etdi. Mənə "Xəzər Lənkəran"da ilk şans verən Yunis müəllim oldu. Çox sağ ol deyirəm ona.
"Xəzər Lənkəran"a kim gəlir-gəlsin, biz yenə qələbə qazanmağa çalışacağıq. Bizim üçün fərqi yoxdu, yerli olsun, ya da xarici. Əsas odur ki, "Xəzər Lənkəran"a uğur qazandırsın".
Səxavət Qurbanov
