“Neftçi” ilə oyunun çox çətin keçəcəyini bilirdik. Matça yaxşı hazırlaşmışdıq və meydançaya yalnız qələbə üçün çıxmışdıq. Mənsə görüşdə həmişə olduğu kimi qol vurmağa və assistentlik etməyə çalışırdım".
Korner.az-ın məlumatına görə, bu sözləri "Qəbələ"nin hücumçusu Lourival Assis klubun rəsmi saytına açıqlamasında deyib:
Assis komandasının son iki matçı gözəl oynadığını bildirib: "Bu dəfə qol vurmaqla komandama kömək etdim. Qoldan sonra çox gözəl hisslər keçirdim. Komandanın qələbəyə ehtiyacı olduğu bir vaxtda istənilən nəticənin əldə olunmasında pay sahibi olduğum üçün özümü xoşbəxt hiss edirəm. Biz həqiqətən qələbəyə layiq idik.
Bütün futbolçular üzərlərinə düşən işin öhdəsindən layiqincə gəldi. Son iki oyunda “Qəbələ” gözəl oyun nümayiş etdirir. Bunda baş məşqçinin böyük əməyi var. O, böyük insandı. Hər şeyə ürəkdən yanaşır. İnanıram ki, gələcək oyunlarımızda da uğurlu seriyanı davam etdirəcəyik və mövsümün sonunda layiq olduğumuz yerdə qərarlaşacağıq”.
