Bu gün Avro 2016-nın seçmə mərhələsi çərçivəsində Uels İsrail yığmasnı qəbul edəcək.
Korner.az-ın məlumatına görə, bu qarşılaşma Bakı vaxtı ilə saat 21:00-da start götürəcək.
Oyunun əhəmiyyəti çox böyükdür. Avropa çempionatına birbaşa vəsiqə üçün Uels artıq məsələnin böyük hissəsini edib. Son addım isə İsraili məğlub etməkdir. Bunun üçün hər cür şərait var. Ən böyük tarixi uğurun canlı şahidi olmaq üçün azarkeşlər tribunaları tam dolduracaqlar. Beyl əla formadadır. Digər futbolçuların da vəziyyəti ona uyğundur. İsraildə isə əksinə yığmanın lideri Natxonun oyun praktikası çox deyil.
Aralarındakı son oyunda Uels qalib gəlib. İsrail yığması keçirdiyi son 4 matçın 3-də məğlub olub. Yəhudilərin bu axşamki rəqibi isə, əksinə son 3 matçında qələbə qazanıb və 7 oyundu ki uduzmur.
Hər iki komanda tam heyəti ilə çıxış edəcək. Belə ki, zədəli və cəzalı futbolçular yoxdu.
